ما طال في بحرك في مئ

ما طال في بحرك في مئ وتمرك مفدع بالجريد وشجرك أمد حد السمي وطينك معتك بالطمي نبنيك أكيد نبنيك هوا نبنيك أيوا سوا سوا منو وجديد ياايد أبوي علي أيد أخوي علي أيدي انا علي أيد وأيد تجدع بعيد من لجه لي راس ميدنا حكومه الفقر الدمار الكضبا" والصهينه واليا نقاص أيامنا ساس ويالطيف سوس البحر نردم قفاهو حجر حجر من ها الرصيف الما قدر قدام ذريحة الموج يقيف الما أنستر الأرزقيه وناس مويا نسقيها كاس أسقتنا يا نوريها كيف عشق الحيا سنانا فوق حجر القصاص سوانا ناس ضرب البحر جوانا أحر من الرصاص يا ضو حبيبينا القسي وطول ما أنت قرقان في الأسي تبت يدين ما ترمي ساس ماتبني مجدك من جديد تفتح شبابيك الخلاص تدخل نسيمات النشيد نستقبلا مستقبلا و الحاضر الماضي التليد يا بلدي يا فردت جناحي التانيه وكت الناس تطير لي عالما وآفجعه الزول البجيك ما يلقي فيك غير الهجير ناس تواتي مسالما كل البشاشات القبيل تلقاها ميت مسمما والجاتا جاتا من الأرض ماجاتا من تال السماء ما أعتي قبنك يا وليد واعدل قضيتك وأعظما لا ترجع السيف الجفير والدنيا فايره مصادمه من غير تجيب تار البلد ريح العوارض تهزما نطرد مع ابليس الأخير دعات الضلال من جنتك يا آدما ناكل من الشجر الحلال يغشاك نعاس في ضل رما تختاك هضاريب التعب وغربت لياليك المظلمه يا نيل قبل خاطرك يطيب أرضك تفدع بالهيب تكشح تواريب القضب صعب المراس نوبه وزنوج وبجه وحلب رطان عربان مو أشو ومولدين تلقانا أو نلقاك ضو ظلمة لياليك العجاف رشة نهاراتنا النشاف وأمنا بيك وموحدين في أيدنا فاس وقلم رصاص شتله وكمنجه ومسطرين وطبنجه في خط التماس حراسه من كيد البكيد ضد الرصاص والأنتكاس نبنيك هوا وأشد باس ماطال في بحرك في مئ

شكرا ليك يا ود الانصارى
يا راقى