تسهيل الزواج

طرحنا موضوع الزواج وكانت الاراء فيه تصب كلها فى ان يتم التسهيل ولزيادة الفائده ومنعا للاحراج نرجو من الاخوة الاعضاء التصويت بموافق او لااوافق

الاخ الامام لك التحية وانت تولي هذا الموضع كل اهتمام ربنا يوفقك

شكرا محمد وود الياس
ربنا اوفق الجميع لما فيه خدمة شباب قريتنا 00
لكن ياود الياس لو قالوا ليك عرس
طبعا الشنطة دسته دسته
الريحة بالارطال والعلب الكبيره والمكياج بالشنطه
والفنان بتاع الحنه فنانه من العاصمة( ) عشان ام العروس والعروس تنبسط والشباب انبسط ( ورقيص للصباح )
وحفلة الزفاف ( الزفاف مصرى والا قول خليجى ) وفنان كبير ب ملايين الجنيهات ( لمدة ساعتين)
والتصوير بتجيب ياربة قديو علا الدين والقديو الخليج والا 000
والكمرات ( محمولة وكرين ديل بساط ( 3) محموله (3) كرين)
وبتجيب بروجكتر والتلفزيونات 6
وحفلة الحنه والزفاف فى النادى ( )
وطبعا بتكون تذاكرك جاهزه ( العريس والعروس) شهر العسل فى دولة ( )

والا شنو 8)

والله يا الامام انا بحمد ربي مليون مره انو اداني مره هدية ورضية اولاً وثانياً انني اتزوجت قبل ما تحدث هذه التغيرات الكبيرة من ما تناولته سابقاً من الكميرات البي كرين دي حفلات النوادي وغيره يحتمل كان المدام كان تغير رائها وتقول الا يعملوا ليها الزفة والذي منه ... ولا يمكن انا زاتي اقول لو ما عملت ذي الجماعة ديل ما اعرس ... وكان الى الان اجمع في حق التلج ويكون باقي لي حاجات بسيطة ... ( حنة العروس والفنانة من العاصمة ... الكوافير والزفاف لازم يجي من دبي ... وحق الفديو ولازم من العاصمة برضو عشان يكون حديث الحلة لي اربع اعوام قادمة ... واما فنان الحفلة الكبيرة ... ولا مصطفى سيد احمد او احمد المصطفى ..)
اخي الامام والله لو يعلم الاهل وبقية الشباب بان ربنا يتم عمل الخير وان هم الزواج هو اكبر من ان يقاس بالفلوس .. السعادة بالقناعة بالقليل والغنى غنى النفوس ... واهم ما في الزواج انه ربنا ينعم عليك بزوجة صالحة تحفظك وتصونك وتقاسمك المرة قبل الحلوة.. وللاخوات زوج صالح يحفظها ويحترمها ويقدرها ويجدود عليها بدمه وروحة قبل ماله ...
اشكر ربنا مرة اخرى على نعمه وفضلة
نسالة تعالى ان يكتب لنا جميعاً السعادة والهناء .. ويوفق عزابنا في اتمام نصف الدين ويهون عليهم
وخاص تحياتي

الله خليك زخرا لااولادك ولوطنك الصغير الدناقله يازوق

ود خال العريس مقطع قديو ( للفائده )
شكرا حمراى
نرجو من له مقطع فديو يريد ارساله للمنتدى يتبع الخطوات التاليه
-اذهب لليوتيوب, افتح صفحة الفيديو وشغله
2- انسخ عنوان صفحة الفيديو من Address bar
3- ارجع الى منتدى الدناقلة و افتح بوست جديد لكتابة موضوعك
4- ستجد مجموعة من الايقونات أعلى مكان الكتابة, قرب الماوس من الايقونات واحد تلو الاخر الى ان تقرأ عبارة (مقطع فيديو).
5- قم بلصق العنوان الذي قمت بنسخه سابقا في المكان المخصص.
6- قم بمعاينة الموضوع وارساله.

شكرا أخي الامام على المجهودات المقدرة التي تقوم بها في هذا الموضوع,
وشكرا على خطوات اظهار الفيديو

أدناه مقطع الفيديو الذي ادرجه الاخ محمد بعد اتباع الخطوات أعلاه:


نتمنى ان تواصل في هذا المشروع بقوة و عدم الاستسلام للياس
تحياتي

الاخ محمد لك الشكر 0
ونتمنى الدعم والمؤازرة من بقية الزملاء/ الاعضاء بالمنتدى