أهل العز
3 مشترك
صفحة 1 من اصل 1
أهل العز
أهل العز
يا أهل العز
أهلي السمحين
وحالنا الطيب بي الله
يوم زرت الأهل الفي الحِلة
ناس هَّز الروب
والحي والووب
أهلي الطيبين
ناس كيف يا زول
أريتك زين
وزين الزين
بت شيخ الجاك ود إسماعين
الحالة رزين
شايلة العِفة
هي بتسأل كيف في الغربة هناك
الشاب الشال هم القفة
الما معروف يرجع لمتين
والدين الدين
من الكنتين
الهم الولع فينا سنين
والشيبة الطالت أم حقين
الستة صغار
الرزق الطار
كرت التموين
ومن يوم ما مات الحاج حسين
الدور الأصعب
بقي دورين
الوالدة الفايحة محبة حنين
والوالد الغاب ما يأثر فيك
ما تقوم يا وِليد
شوف شغلك وين
ما تسوي الشين
صلي الأوكات صوم الإتنين
والسبحة الفرحت بي أمي
فتاح يا عليم
رزاق يامعين
البحر الهادر من همي
يا ريحة النسمة دعاش الطين
يا عقد الدر
كيف أقدر أقول
وأكتب عنك
دهبة سنك غارت منك
يا طيبة كل أهل الجنة
يا الفايضة حنين فيك محنة
أم الفايزين
يكفيك الرب من كل الشر
الخير الفيك علينا إنشر
شر الحاسدين
يا الساقية الشالت موية النيل
القمة الشمخت زي توتيل
أمي الطيبة
ست الحلوين
ويا أهل العز
أهلي السمحين
وحالنا الطيب بي الله
مهداة للجميع وأمهاتنا الطيبات النقيات وأسأل الله أن يمد في أيامهن وأن يرحم ويغفر ويحسن لمن رحلن عن الفانية
يا أهل العز
أهلي السمحين
وحالنا الطيب بي الله
يوم زرت الأهل الفي الحِلة
ناس هَّز الروب
والحي والووب
أهلي الطيبين
ناس كيف يا زول
أريتك زين
وزين الزين
بت شيخ الجاك ود إسماعين
الحالة رزين
شايلة العِفة
هي بتسأل كيف في الغربة هناك
الشاب الشال هم القفة
الما معروف يرجع لمتين
والدين الدين
من الكنتين
الهم الولع فينا سنين
والشيبة الطالت أم حقين
الستة صغار
الرزق الطار
كرت التموين
ومن يوم ما مات الحاج حسين
الدور الأصعب
بقي دورين
الوالدة الفايحة محبة حنين
والوالد الغاب ما يأثر فيك
ما تقوم يا وِليد
شوف شغلك وين
ما تسوي الشين
صلي الأوكات صوم الإتنين
والسبحة الفرحت بي أمي
فتاح يا عليم
رزاق يامعين
البحر الهادر من همي
يا ريحة النسمة دعاش الطين
يا عقد الدر
كيف أقدر أقول
وأكتب عنك
دهبة سنك غارت منك
يا طيبة كل أهل الجنة
يا الفايضة حنين فيك محنة
أم الفايزين
يكفيك الرب من كل الشر
الخير الفيك علينا إنشر
شر الحاسدين
يا الساقية الشالت موية النيل
القمة الشمخت زي توتيل
أمي الطيبة
ست الحلوين
ويا أهل العز
أهلي السمحين
وحالنا الطيب بي الله
مهداة للجميع وأمهاتنا الطيبات النقيات وأسأل الله أن يمد في أيامهن وأن يرحم ويغفر ويحسن لمن رحلن عن الفانية
بديع الزمان- عضو مشارك
- عدد الرسائل : 14
بلد الإقامة : السودان
الإسم الكامل : عبدالبديع حسين فقيري
نقاط : 5140
تاريخ التسجيل : 18/05/2010
رد: أهل العز
مشكور الاخ بديع علي القصيدة الرائعة
ودمت بخير
ودمت بخير
صولا- مراقب القسم الثقافي
- عدد الرسائل : 179
بلد الإقامة : السودان
الإسم الكامل : وصال العاقب مساعد
نقاط : 5790
تاريخ التسجيل : 03/06/2009
مشكورة وصال - صولا
أشكرك علي مرورك ودمتي في حفظ الله ورعايته
مع خالص الود والتقدير
بديع الزمان- عضو مشارك
- عدد الرسائل : 14
بلد الإقامة : السودان
الإسم الكامل : عبدالبديع حسين فقيري
نقاط : 5140
تاريخ التسجيل : 18/05/2010
رد: أهل العز
ربنا يحفظ والدتنا جارة بت الجاك ود اسماعين ويعينها فى مواصلة اهلها دوما
وآلاف آلاف الرحمات للجد حسين فقيرى
نسال الله له اعلى عليين
والبركة فى ذريته ان شاء الله
وآلاف آلاف الرحمات للجد حسين فقيرى
نسال الله له اعلى عليين
والبركة فى ذريته ان شاء الله
ابو لين- المدير المالى
- عدد الرسائل : 2820
بلد الإقامة : السودان
الإسم الكامل : احمد صالح احمد على
نقاط : 8764
تاريخ التسجيل : 06/09/2008
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى