طوريتك

من طرف khoaga99 الثلاثاء يناير 12, 2010 12:06 pm

طوريتـــــك - مصطفي محمدالمهدي صلاح حاج سعيد

حتى الفصول صابه الجفاف ...
لا غيمة لا زفة هرع ...
والسنمبر البفرح صغيرة ...
غشانا وإتقاطر رجع ...
وشجرنا من لفح السموم ...
عطشان وقع ...
لاشابا لريحة دعاش لا هش لى برقاً لمع ...

طوريتك في الطين مرمية ...
وكوريتك يابسة ومجدوعة ...
لاغيبتك كانت مرضية ...
ولا فوتك كانت مبلوعة ...

اللهب الضوى الليل قناديل ...
في عيون النجمة القطبية ...
والتعب المد ضراع النيل ...
سجادة فقراء مزاورية ...
سائلين عنك ويوماتي رحيل ...
لمواني المدن النفحاية ...
وشقيش ما تقبل يا أبو الحيل ...
في قلوبنا مواجعك متكية ...
تايهين في بحرو مراكبية ...
أطفال عمال ومزارعية ...

كيف حال يا أبوي ...
كيف حال يا خال ...
بتمسي بيوتنا الكاكية ...
حزنانة بتبكي مال الحال ...
والزمن الساقكم عيدية ...
طوريتك في الطين مرمية ...
وكوريتك يابسة ومجدوعة ...

من طرف احمد يوسف الأربعاء يناير 13, 2010 12:20 pm

رووووعة ياود العمة وينك يارايع
قرب تعال ماتبتعد

من طرف khoaga99 الخميس يناير 21, 2010 7:54 am

انا جنبك ياود الخال
وينك انت من حاجاتك الفريده
انت الاروع يازول

طوريتك

طوريتك

رد: طوريتك

رد: طوريتك