خطأ ودا في داهية

اتنين متزوجين من عشرين سنة قرروا يروحوا يصيفوا ع البحر
لكن الزوجة كانت مشغولة فاتفقت مع زوجها على إنه يسافر لوحده و هى ح تلحقه بعد يومين وصل الزوج ع الفندق و دخل الغرفة فوجد كمبيوتر بالغرفة و متوصل بكابل الانترنت
فقال يبعت ايميل لزوجته يطمئنها فيه على أحواله

بعد ماكتب الرسالة

و هو بيكتب عنوان البريد الالكترونى لزوجته أخطأ فى كتابة حرف فى العنوان
و بالطبع راح الايميل لشخص تانى



تصادف إنه كان لأرملة لسة راجعة من مراسم دفن زوجها اللى توفاه الله فى نفس اليوم
الست الأرملة فتحت الكمبيوتر بتاعها لتقرأ ايميلات التعازى
وقعت ع الأرض مغمى عليها
فى لحظة دخول ابنها اللى حاول يسعفها بكل الطرق و لم يفلح فى إفاقتها نظر الابن إلى كمبيوتر والدته و قرأ الرسالة التالية
زوجتى العزيزة .. وصلت بخير
و يمكن تتفاجئى لأنك ح تعرفى أخبارى عن طريق الانترنت لأنه دلوقتى بقى فيه كمبيوتر عندهم
و يقدر الواحد يبعت أخباره لأهله و أحبابه يوم بيوم

أنا بقى لى ساعة واصل

و تأكدت إنهم جهزوا المكان و كل شىء و مش باقى غير وصولك لعندى هنا بعد يومين

إشتقت لك كتير و مشتاق أشوفك

و باتمنى تكون رحلتك سريعة زى رحلتى

أكيد اخ وليد اسم المرسل المفروض انه ظاهر اعلى الرسالة ولكن الارملة في حزنها وزحمة رسائل التعازي قد لا تلاحظ الايميل..
القصة جميلة جداً ولذيذة ..
ولكما التحايا اخ وليد ومصعب