هيا لنجمع احلي الأغاني السودانية

الاخ-ودالقرشى (الهلالابى)..تحية طيبة
مع انو انا مريخابى بديك غنية لابو السيد..
**فى عيونك***
****.....*****
فى عيونك ضجة الشوق والهواجس
ريحة الموج البنحلم فوقو بى جية النوارس..
......
ياما شان زفة خريفك كل عاشق ادى فرضه
مافى شمسا طاعمه طلت الا تضحكى ليها برضو..
والصباح امتد ياما كل ما جاوبتى نبضه..
نشتهيك..
ياما نحلم نحكى ليك عن المسافة ..
وعن سفن بالشوق بترسم فى بحيراتك ضفافه..
عن ملامح غنوه طلت فى عيوناتك هتافه..
عن حقيقة نهاتى بيها فى اساطيل الخرافه..
.....
ياصباحات الموانىء حتى لو دربك ترنح
فى مشاوير الاغانى..
ياغنانا المشتهنو يانى موعود بى زمانك..
بى مواقيتو البرنو..
بارتعاش صرخة وجودك يوم يطل
ميلادى منه..
لما اتوسد صباحك ياتو ليل يفصلنى عنه... [ندعوك للتسجيل في المنتدى أو التعريف بنفسك لمعاينة هذا الرابط]

Magic_Money كتب:نشكرك اخ الهلالابي على هذه الفكرة ولكني ارى انه من الأفضل انا تأجل هذه الفكرة حتى انتهاء هذا الشهر الكريم ولا ننسى( بأن الصحابة رضوان الله عليهم انهم كانو بحزنون 11شهرا ويسعدون في شهر1 فقط وهو هذا الشهر المبارك) ولا تنسى ان هذا رأى وليس انتقاد لفكرتك ..وشكرا

سلامااات ....
ود ازهري ..............
بجيك راااجع .................

ابداكى من وين
للشاعر\اذهرى محمد على
غناء\مصطفي سيد احمد
ابداكى من وين..
وفينى منك لسة حاجات
من مخاوف ومن شجن
أبداك من وين وظنى إنك
فكرة إعلان الحيـاة
وانتهاءات العوارض والمحن
نفسى ألقاكى وأكون
انا كلى من بعضك
أو بعضى من كلك بدن
داير ألقاك وأوحد دايرة الدم
المقسمة بينى بينك والشجن
أبداك من وين
ابداكى منى ..
ولا منك أبتديك محل محل
من ياتو منفذ بدخلك
كل الدروب الفيكى سداها المحل
من ياتو شارع بوصلك
كل الدروب معطونة لآخر الوحل
بستبيح كل المنافذ وادخلك
من بين كلامك بدخلك
من ابتسامك بدخلك
من بين مسامك بدخلك
من أى قاسم مشترك
أو شبه التشابه بدخلك
نتلاقى نهرين من تسامى وإشتهاء
أبداك من حيث انتهت
عندك خواطر الإنتهاء

أبداك من وين

بصراحه الفكره روعه
لكن اسمحوا لي ادخل لفت واطلب اغاني بدل ما اكتب
لو سمحتو ممكن اغنيه الطيور لمصطفى سيداحمد واي رابط عشان انزلها
واغنيه ما عارفه اسمها بس بغنيها سيف الجامعه من كلماتها
اي صوت راجيهو صوتك واي شريان فيك وريدي تا تا تا
طبعا باين انو ثقافتي في الاغاني السودانيه عدم لكن ياليت تلبو طلبي
وشكرا

شوف الرابط ده ازا بيفتح معاك فيه الاغنية اللي انت عاوزة
[ندعوك للتسجيل في المنتدى أو التعريف بنفسك لمعاينة هذا الرابط]

ارحل


قلت أرحل ..
أسوق خطواتي من زولاً نسى الإلفة
أهون ليل
أساهر ليل
أتوه من مرفى لي مرفى
ابدل ريد بعد ريدك
عشان يمكن يكون اوفي
رحلت وجيت
في بعدك لقيت
كل الأرض منفى
عيونك زي سحاب الصيف تجافي بلاد وتسقي بلاد
وزي فرحاً يشيل مني الشقا ويزداد
وزي كلمات بتتأوّه.. تتوه لمن يجي الميعاد
وزي عيدا غشاني وفات عاد عمّ البلد أعياد
وزي فرح البعيد العاد
وزي وطناً وكت اشتاقلو برحل ليهو من غير زاد
بدون عينيك بصبح زول بدون ذكرى وبدون ميلاد
رحلت وجيت
في بعدك لقيت
كل الأرض منفى
زمان الفرقة والتجريح بسيبو عشان تشيلو الريح
بسيبو عشان صحيح الذكرى بتّوِّه عمرنا صحيح
وانتِ معاية لا بندم ولا بقضي العمر تبريح
أصلو العمر شوقا حزنا كان وصبرا كان فسيح وفسيح
أصلو العمر كان دربا مشيتو كسيح
وكان غرسا سقيتو بكى وقبضت الريح
رحلت وجيت
في بعدك لقيت
كل الأرض منفى
منــــــفـى
منــفـى
مـنفى
______

--------------------------------------------------------------------------------

مدن عينيك


عبدالقادر الكتيابى


...لمحتك
قلت بر امن بديت احلم
الملم قدرتى الباقيه
واشد ساعد على المقداف
تلوح لى ...مدن عينيك
وترفع لى منارة بسمتك ساريه
...بديت احلم
كل ما الريح تطارد الموج
ازيد اصرار واحلف بيك
اغير سكة التيار
واقول يا انتى يا اغرق
تلوح لى مدن عينيك
تلوح لى
اخاف الضفه ترجع بيك قبل الحق
اخاف غيم المنى الشايل تسوقو الريح ويتفرق
اخاف ...واخاف ...واخاف
واشد ساعد على المجداف
واجيك بقدرتى الباقيه
حطام انسان موسم بشقى الدنيا
مقسم قلبو فى الاحزان اجيك فنان
اشد اوتارى واحكى ليك
حكايه انسان وهب لسكتك نفسو
رسم صورتك على حسو
ربط ساعد على المجداف
...وقال
يا انت يا اغرق
اخاف ...اخاف
اخاف غيم المنى الشايل
تسوقوا الريح ويتفرق
والاقيك يا امانى سراب
مواهبى عليه تدفق

خطاب حسن احمد

ابو السيد


حتجى البت الحديقه
فارده انسام فى طريقها
وشايله الوان
حتجى البحدث بريقها
ضجه الضوء فى المكان
حتجى المن بدرى جات
من ضلامات السكات
شايله قمرين فى عيونا
وفاتحه ليلين بى جنونا
وضاوية ساحات انتمت لى فجر فات
وتنتمى لعصور جديده
حتجى البت البريده
ضاحكه منتصره وعنيده
امله مزدهرة وجديده
وناقشه فى الزول اغنيات
حتجى المن بدرى جات
ناسفة ازمان السبات
واصفه للناس الطريقه
وللصفاير الجهات

انا فى راىيى العين ما بتعلى على الحاجب
لذا كان ابو السيد فى المقدمه
رحمه الله

حاجه فيك
تقطع نفس خيل القصائد
تشده اجراس المعابد
توهتنى ..تعبتنى ..جننتنى
جننت حرف الكلام
وبرضو ادتنى السلام
حاجه فى شرف المدائن
فى غرف كل السفاين
جوه فى عمق المناجم والعيون
حاجه زى ماتكون محلق فى العواصف
فجاة تهبط فى السكون
حاجه زى نقر الاصابع
لما ترتاح للموسيقى
حاجه زى اخبار تناغم من جريده
حاجه زى وتر الموانئ
لما يصدح لى سفينه
حاجه فيك لا بتبتدى
لا بتنتهى
خلتنى ارجع للقلم
اتحدى بالحرف الالم
واضحك مع الزمن العريض
وانسف متاريس الطريق
واعرف متين ابقى المطر
وافهم متين اصبح حريق

الكلمه لهاشم صديق

في عيونك ضجة الشوق والهواجس
ريحة الموج البنحلم فوقو بي جية النوارس
يا ما شان زفة خريفك كل عاشق ادى فرضه
ما فى شمسا طاعمه طلت الا تضحكي ليها برضه
والغمام الفيك راحل فى الصنوبر يلقى ارضه
و الصباح امتد يا ما كل ما جاوبتي نبضه
نشتهيك
يا ما نحلم نحكي ليك عن المسافة
وعن سفن بالشوق بترسم فى بحيراتك ضفافه
عن ملامح غنوه طلت فى عيوناتك هتافه
عن حقيقة نهاتي بيها فى اساطير الخرافه
يا صباحات المؤاني حتى لو دربك ترنح فى مشاوير الاغاني
يا غنانا المشتهنو يا ني موعود بى زمانك
بي مواقيته البرنو
بارتعاش صرخة وجودك يوم يطل ميلادي منه
لما اتوسد صباحك ياتو ليل يفصلني عنه

كلمات النخلى

من جديد جيت تانى تكسر
صمتى بالنظرة الخجوله
يا امل عمرى القبيل
يا سنين عامرات فصولها
ما قدرت انساك من زمان
بس ضاعت احلام الطفولة

الحنين الجيتنى بيهو
جاى فى لحظات ندم
فى زمان ضيع صبانا
حتى اشتات العشم
من جديد جيت تانى كيف
تبنى فينى الانهدم
ما قدرت انساك من زمان
بس ضاعت احلام الطفولة

ما يفيد انا لو الملم من عيونك ذكريات
او اصحى الماضى فيهو
انسى حزن الامسيات
برضو زمن البهجه عدى
وعمرى فات قيهو الفوات
ما قدرت انساك من زمان
بس ضاعت احلام الطفوله

محمد سالم حميد


كل ما تباعد بيننا عوارض

كل ما هواك يا طيبة مكني

تلد الغربة القرب الواحد

بيك أسمي الشوق وأكنّي

لما أفوتك من دون خاطر

أو دون خاطر مني تفوتي

بلقى حبايب فى كل حتة

وكل بيوت الفقراء بيوتي

لا غيرت وراك الجتة

لا بدلـت ملامح صوتى

لا غافلنى وهادن فنى

رمل المدن الما عرفتنى

تبن الشوق الصبرو مصوبر

للارياف الكم وفتنى

وللاطفال الناشفة ضلوعها

ونازفة بغنى

أطّمن روعها واهدّى دموعها

ببسمة بكرة الماها تمنى

ولا مصنوعة

أغنى لشعبى ومين يمنعنى

أغنى لقلبى إذا لوعنى

مخير دربى اللي ما رجعنى

إذا طلعنى نخلة القر

ولا الغربة الكدرومية

تنزل غنوتى بقمرية