نادي الدناقله هل يحبه اهل الدناقله ام يحبون الاختلاف فيه

انا في كلامي لن اطول عليكم نحن نحلم بي الوطنيه وهي اصعب شئ لي الشعب السوداني لم نتعلم معناها بل وطنية السوداني في فنانه اولونه الرياضي اوفكره السياسي ليه تقول لي واحد مصطفي سيداحمد مابعرف يغني يزعل منك ويشتم فيك ولو قولة له المريخ حمام برضو نفس الكلام انتا كوز نفس الاحساس قول ليهو السودان مانافع يقول ليك والله زفت واخير من السودان الصومال ونحن لانعرف الوطنيه الدناقله وطن ام نادي لو وطن معناه لن نصنع لها شئ ولونادي سيشطب بهذه الطريقه نحن نختلف في الكلام والاراء ولانجتمع في الاعمال المطروحه لي النادي لوكان النادي عمره اكثر من عامين لكان الخلاف اشد انتو المصلحه في النادي كلكم خايفين وهاربين منها وبعيدين من النادي البعمل في عمل ادعمو و شجعوه وده خلاف والكلام بطول اقيفو وقفه رجل واحد الداير يعمل يجي وقول انا بعمل وكلنا معاهو لوبتحبو الدنافله والنادي اسبتو لي الناس السمعه الحققا النادي في مدني والاتحاد الناس في مدني براهنو انو نادي الدناقله بصل التانه مباشر وماعرفين ناس الدناقله بحبو الكلام اكتر من اي حاجه اعملو لي النادي عشان ده ناديكم وانحنا كالعيبه مابنقصر وقدر المسؤليه واللعيبه الكتبت دي السبب الاول ولاخير انتو عشان الصدي في المنتدي والراي والراي الاخر في تشويش علي اللاعب بي الكلام ادعمو النادي معنويه وماديه والناهيه انتو عايزين النادي امشي اقيفو وقفة رجل واحد ارجو الكلام يوصل الناس يدخل القلب قبل يترد في اللسان لكم الاحترام والتقدير (بــــــــــــــــــــــــــــــــــــطه)

لك التحيه و التجله اخي محمد
و بعد
و الله كلامك صحيح و يدخل القلب زي م ذكرته . بس حابي الفت انتباهك ل حاجه انو اي زول انتو شايفين انو معارض بتكلم عشان حاجه وااااااااااااحده و هي الجمعيه العموميه م اكتر من كده ولا ده م من حق باقي الناس ؟ .
انا واحد من اللعيبه ال انت ذكرته انهم بتكلمو ف المنتدي بس انا بكتب ف المنتدي بصفتي واحد من مواطني الدناقله قبل اكون لاعب و اظن ده من حقي برضو ولا عشان انا لاعب و شايف حاجه غلط م اتكلم .

و الله من راء القصد
و ولي التوفيق

اخوك تــتــون

الأخ محمد بابكر لك التحية والإحترام اشكرك علي حديثك الطيب الذي يعد نمره واحد في هذه المواضيع التي تولد المشاحنات فهذا يدل علي طيب اصلك و دماغك الواعي _اخوك احمد كسلا

احمد الشفيع لك الاحترام انت اخي وفي كتابتك في المنتدي انا لست معارضا عليها ولكن اوضح لمن يهمه امر اللعيبه لماذا يكتب اللاعب (شكرا تتون)
احمد عبدالله شكرا علي ردك علي المقال وانت واحد من رواد النادي ولن تقف بعيدا وانا اثق في حبك لي الرياضه

اجل احب الرياضه كما تحبها (دقينا كفر سوى جمب الطاحونة القديمة ودقينا كفر في الشايقية ودقينا كفر في التحدي ودقينا كفر في نادي الدناقلة و شنقت عمر كبر ب قون كل الجمهور هتف يا كسسلااا ) ب الجد في حب في الداخل للرياضه وكرة القدم خاصة وعندما لعبنا لي نادي الدناقلة ادينا واجبات اخري من تخطيط الكوتش عاطف كانت اعمال خيريه والشباب ماقصروا قاموا ب اعمال عديده ربنا يجعلها في ميزان حسناتهم _وحانعيد العمل ان شاءالله ونجتمع لي القيام ب اعمال خيرية كما في بوست الكوتش عاطف بابكر في المنتدي العام _ولكم التحيه