مقطع دوبيت من البطانة

مقاطع دوبيت لكل عشاق الدوبيت
احد شعراء البطانة في وصف البنات

وسط الدارة نزلن من قصورن

عامن شوقن قلبي البدورن

هج وضج في ودعيني نورن

وطابت روحي من نفحة عطورن



قمر السبعتين قدلت حمامة

غطت جملتن متل الغمامة

محزوز جيدها فوق بانة قوامه

مجروح ريدها وين يلقى السلامه

__________________

سمعنا تانى حاجة حماسية

شوف يا خال الحماسة دي كيف والافتخار

نِحنا سهمنا دايماً في المصادِف عالي

نِحـنا العِـندنا الخُلق البِِتاسع التالي

نِحنا اللي المِحن بنشـيلا مـا بنبالي

بِنلوك مُـرهِن لامِـن يجينا الحـالي

وشوف ود الصِقري الذي افتخر بقومه فقال:

نِحـنا صَـواقع البَرق الشَـلع ضَحـوِّيه

ونِحنا الفوق نِحاسـنا بِنلـعبْ الصَقـرِّيه

نِحـنا صَغـيرنا مَـاموناً يلاقـي المِيـه

نِحنا قرارنا مالكِنو مِنو البِرفع علينا قضيه
وهاك ماقاله احد شعراء البطانة

أمانه عليك بطانة اب سن بتنبي الكاعه

يوم اكلت كباد ساكت رخم وضباعه

يوم محمود وناس عوض الكريم سمساعه

واقفين في الشمس دايرين يغطوا شُعاعا

هلاهلا اقعد عافية