اطلق لفكرك العنان

اتخيلوا معاي وكل زول فينا يتخيل بعد خمسه سنوات لقدام لو ربنا احيانا باذن الله هو شايف نفسو وين ومتمني يصل لي وين ومتمنو يحقق شنو ؟
فارجوكم اطلقوا لافكاركم العنان واذا تعلقت همة احدكم بالثريا لنالها ولاتدعوا افكاركم سجينه .

سبحان الله الناس بقت متشائمه شديد حتي في افكارها مافي زول كدا ورانا بعد كم سنه نفسو يشوف روحو وين

نفسي أكون في المدينــــــــــة المنــــــــــورة @@@سحاااااابة@@@

ربي يحقق امانيك وكل قاسي يهون ولك وافر الشكر اخي سموءل

والله يا أختي بلقيس اطلقنا لروحنا العناااااااااااااان للنهاية بس ما جابتش اي نتيجة وانتي ست العارفين الحال واقفه شديد والطموح وآمالنا اتبخرت والشغل حدث ولا حرج مافي نهائي والواحده لما كانت دخلت الجامعة وقالت يا هادي دا تخصص مافي ومرغوب حنعمل الدراسات العليا التي تؤهلنا اكتر بس لقينا بلدا بدل ما تتطور ماشة للوارء وتعب قرايتنا وطاهوا الفيل وتقبلي مروري وعشانك بس المرة دي بنطلق العنااااااااااااان

الاخت سميه ..جزاك الله خيرا العزيمه والاراده القويه هي حجر الاساس لما اسلفت من قول ..وربنا يحقق الاماني وانشاء الله نتلاقي في الروضة الشريفه.
الاخت نمارق...التشاؤم شنو وخلي شعارك دوما نحن قوما ليس يرضي همهم ان ينالوا في العلا اسهلها وربي يحقق الاماني وانشاء الله بلدنا تمشي لي قدام لكن دا بتحقق بينا نحن الشباب بس الاحباط والياس ملوا الدروب وربي يسهل .
الاخ ود الامين ..بالفعل من طلب العلا سهر الليالي ..ولابد للشهد من ابر النحل واتمني ان تتحقق احلام الجميع