بالامل صبرتو قلبي..اهداء للرشاشات

طبعا اخوانا الهلالاب ادارة و مشجعين و مدربين مكابرين بانو الدوري ده خلاص اتحسم و انهم ما بقدروا
احصلوا فرق النقاط لذلك بقي املهم في لاعبي الاندية الاخري ....و ما سكهم لادارة الامل العطبراوي
بتحويل المباراة من مدينة لاخري الا و هي علامات الجرسة و الهلع الداخلي لهم من ان يفوز المريخ بالممتاز.
و الان كل امالهم معلقة في فريق الامل العطبراوي في تعطيل المريخ لتقليص الفارق و لكن نقول ليكم يا
رشاشات سيخيب فالكم و ترون اليوم اهداف وارغو و ايدكو و سكواها وتناموا بدري بدون سحور كي تتجهزوا
للقاء القطن الكمروني و ده حا اكون اخر فوز ليكم في ابطال افريقيا لو فزتو طبعا و بعدها حا ترجعوا محملين
بالهداف من المغرب و انتو عارفين برة بحصل ليكم شنو لما المنافسة تتقدم ...الخمسات و التحكيم الهجين لانو الاتحاد الافريقي عارف اساليبكم مع الحكام المرتشين.

الاخ امير لك ودي دي اصلو حال الهلالاب وحال تيمن المتهالك دايمأ انتظروها ملحه من غيرن وحتي الكاسات الفاتت لقوها ملحه من غيرن والزمن ده ياامير المابياكل بي ايدو مابشبع وقول ليهم هيهات هيهات الممتاز انشاءالله مريخي. ولاشنو يامهند - وليد - حمد

اشكر مرورك ...وها هي المباراة تلعب و تظهر تحريشاتهم في بلطجة لاعبي الامل بعد ذبحة اديكو الراسية التي رجت الهلالاب قبل ناس الامل و الباقي السكوهة في الزريبة عشان ننهي الاسطورة الزائفة....لك محبتي

الاخ سامي والاخ امير لكم ودي فعلا المابياكل باايدو مابشبع والناس ديل ليهم كم سنة ماشبعانين

هلا هلا
والله قالوا البلقى هبوبوا يضري
وان غاب القط العب يا فار
جيناكم نوريكم انو نحن يا سادة يا كرام لعب البلي مع الشفع الصغار خليناهو زمان نحن من يومنا كبار اوي والممتاز دا ما بتشيلو وكان شلتو بتشيلوا فطيس
وبمساعدة حكام سيحة الذين ذبحوا الامل بموس ميتة
بعدين يا امير استمتع ساي بالجزيرة الرياضية
شوف المشفر كيف
تصنيف 3 شهور كباااااااااااااااااار الاول
نحن اسياد البلد
شفتا الكلام دا كيف
وانا ما حزيد عشان شايف ود يوسف محمود عندو راي
نخلي ليهو شوية
وكان ما عندكم كرت الجزيرة امشوا ناس عمار زكريا

الاخ الجعلتي ولسة حتصبرو لانو مافي امل من الهلال يعني مافي كاسات

ياوصيفاب والله حالتكم تحنن
نحنا الممتاز ده خليناهو ........وكيفن زول يصل للجامعة يرجع تانى لى سنة اولى؟ نحنا بقينا مشفرين انتو كدى ختو الرحمن فى قلبكم وخلو الهضربة كاس الدورى ماهامينا نحنا افريقيا بتنادينا
الليلة كل من اراد المتعة عليه فقط ان يجلس امام الشاشة وبضغطة بسيطة على زر الريموت ابحث عن قناة الجزيرة الرياضية بلص اهم حاجة عندنا بلص لأنو لوجبت اى جزيرة غير بلص ماحتلقى سيد البلد ابو الهل فى المشفر وبس ......ياضلنا

ابو الهل الليلة في تحدي حقيقي هو ماقدرو الله اكذب الشينة

وليد سليمان كتب:ابو الهل الليلة في تحدي حقيقي هو ماقدرو الله اكذب الشينة

رايك شنو ياوليد؟

ما عندوا راي يا احمد يوسف الزول دا صادم ومسكتوا الحمى الاتوبونجية
الكانت ماسكة لعيبة المريخ في سيكافا
خليهوا الله يصبروا على مصابه الجلل

البركه في الهمشري غلب ليك

لقوهو حايم في السوق العربي قالو ليهو بنديك العايزو بس اغلب لينا الناس ديل و بعدين بنتفق

انشاء تصدرو المجموعه و الترجي اكون تاني المجموعه التانيه و لاقيك عشان إغلبك ماشي وجاي عشان تعرف الكوره علي اصولا وانا بتمني الترتيب ده

الترجى ده بقى حمامنا ياوليد المره الفاتت ضاربو هنا ومدرن معاهو فى تونس يعنى حمامنا وكده وبعدين انتو اولى ليكم تتكلموا عن كورتكم مع مريخ حلفا مالكم ومال الترجى والاهلى والوداد واينيمبا ديل فرق اكبر منكم ماتتشابو ساى ياهلبو