محاولات حلمنتيشية
صفحة 1 من اصل 1
محاولات حلمنتيشية
محاولة حلمنتيشية[معذرة كشف للأحوال الشخصية 1981 شرق الرهد الشريف يعقوب:
الكديسة الساكنة ميزنا
أعلنت لينا احتجاجا
كل يوم تصرخ تئن ما لاقيه حاجه
النمل تاريهو برضو الديار ما مرحبابو
كان انيسنا وكان جليسنا
وللرغيف عامل حسابو
كل ماعون حارسو لينا وسادى بابو
لكن يظهر فات رحل ساب اليباب
ساب ناس جنابو
*******
أنا أحكى ايه عن ايه أقول
ماظنى عاد اقدر أصور
حالة الميز والفصول
أبدا ليكم بالفطور الاصلو ماشبعلو زول
اللقم وقتين تجيك بالسرعة ديك اغسل يديك
ما تنتظر ما الانتظار عادات قديمة وليها حول
هاك يادفر وهاك يا ختف تبلع بلع ما دى الأصول
*****
يوم سوق عكاظ ما اصلوا عيد شدولنا فول
البسمة عمت في الشفاه والبطون دقت طبول
الليلة عاد ما يوم رهيب يوم جديد
فيهو تختال العقول
*****
حفظ الحياة أصبع سماتنا
واليقين فارقنا فاتنا
ما ضروري الواحد يشحم
ما ضروري الواحد يسأم
بس يعيش في الدنيا مبهم
بطونا خاوية وقلوبنا هاوية
وسنينا هم
غر قانة في بحر الضياع حاضنه الوهم
******
ساعة الغداء شوف الكسل وعدم النظام
خرطوش موصل للحلل ما ملاح بصل
عشرين دقيقه ياخدلو فوره ويكتمل
جابوهو لينا ذي لاجئين
سابو الديار تركو الأهل
******
لو كنت شاطر تلقى لحمه
والعضم عاد لهو عظمه
والصحن صحننا غريق تكنو جدول
تنزل ييدك تلقى روحك
قابض أصبع أبو الزمل
تفرح تنطط لقيت لي لحمه لقيت لي لحمه فك يابطل
*******
ياخساره على شبابنا الفات رحل
ياخساره على عمرنا إلا ندثر
الضياع صار لينا ظل
والألم في الروح توغل
ما اصلو غدار لقانا عَزل
*******
وبيتنا عاد بيت عدوك
حيطان قديمه وطواطا سطر اسمه بالخط العريض
صاحب محل
عندو البيانات البتثبت انو هو السابقنا أول
حرمان عليك ترقد تنوم
حرمان عليك تفمض عينيك
صاحب المحل ما بغنى ليك
مره صفقه ومره دقه ورقصه سمبا
إيقاعا زنكي وفى الليل كمان بعوض يبكى
وليكا يحكى قصص غرامو واسباب
سهادو وكيف وصل
*****
ياربى كيف كيف الحلل
****
الحكاوي الكل يوم متكرر
والبلاوى نسأل الله يستره
والكبابى الكل يوم مكسره
والهدوم الديمه ديمه مبعثره
والظلام الاصلو ما فارق اوضنا ولاطرا
******
روتين تمام لمتين نغيير ياترى
نمشى وين ونروح لمين
ما نحن في سجن الضعين
محكوم علينا انو نبقى مدرسين
نعيش عمرنا أسى وانين
أهداف مباشره وغير مباشرة
تذليل صعاب تحضير متين
[img][/img]
الكديسة الساكنة ميزنا
أعلنت لينا احتجاجا
كل يوم تصرخ تئن ما لاقيه حاجه
النمل تاريهو برضو الديار ما مرحبابو
كان انيسنا وكان جليسنا
وللرغيف عامل حسابو
كل ماعون حارسو لينا وسادى بابو
لكن يظهر فات رحل ساب اليباب
ساب ناس جنابو
*******
أنا أحكى ايه عن ايه أقول
ماظنى عاد اقدر أصور
حالة الميز والفصول
أبدا ليكم بالفطور الاصلو ماشبعلو زول
اللقم وقتين تجيك بالسرعة ديك اغسل يديك
ما تنتظر ما الانتظار عادات قديمة وليها حول
هاك يادفر وهاك يا ختف تبلع بلع ما دى الأصول
*****
يوم سوق عكاظ ما اصلوا عيد شدولنا فول
البسمة عمت في الشفاه والبطون دقت طبول
الليلة عاد ما يوم رهيب يوم جديد
فيهو تختال العقول
*****
حفظ الحياة أصبع سماتنا
واليقين فارقنا فاتنا
ما ضروري الواحد يشحم
ما ضروري الواحد يسأم
بس يعيش في الدنيا مبهم
بطونا خاوية وقلوبنا هاوية
وسنينا هم
غر قانة في بحر الضياع حاضنه الوهم
******
ساعة الغداء شوف الكسل وعدم النظام
خرطوش موصل للحلل ما ملاح بصل
عشرين دقيقه ياخدلو فوره ويكتمل
جابوهو لينا ذي لاجئين
سابو الديار تركو الأهل
******
لو كنت شاطر تلقى لحمه
والعضم عاد لهو عظمه
والصحن صحننا غريق تكنو جدول
تنزل ييدك تلقى روحك
قابض أصبع أبو الزمل
تفرح تنطط لقيت لي لحمه لقيت لي لحمه فك يابطل
*******
ياخساره على شبابنا الفات رحل
ياخساره على عمرنا إلا ندثر
الضياع صار لينا ظل
والألم في الروح توغل
ما اصلو غدار لقانا عَزل
*******
وبيتنا عاد بيت عدوك
حيطان قديمه وطواطا سطر اسمه بالخط العريض
صاحب محل
عندو البيانات البتثبت انو هو السابقنا أول
حرمان عليك ترقد تنوم
حرمان عليك تفمض عينيك
صاحب المحل ما بغنى ليك
مره صفقه ومره دقه ورقصه سمبا
إيقاعا زنكي وفى الليل كمان بعوض يبكى
وليكا يحكى قصص غرامو واسباب
سهادو وكيف وصل
*****
ياربى كيف كيف الحلل
****
الحكاوي الكل يوم متكرر
والبلاوى نسأل الله يستره
والكبابى الكل يوم مكسره
والهدوم الديمه ديمه مبعثره
والظلام الاصلو ما فارق اوضنا ولاطرا
******
روتين تمام لمتين نغيير ياترى
نمشى وين ونروح لمين
ما نحن في سجن الضعين
محكوم علينا انو نبقى مدرسين
نعيش عمرنا أسى وانين
أهداف مباشره وغير مباشرة
تذليل صعاب تحضير متين
[img][/img]
mohammed hassan- عضو مميز
- عدد الرسائل : 146
بلد الإقامة : saudia arabia
الإسم الكامل : mohammed
hassana
taieb
نقاط : 5038
تاريخ التسجيل : 21/02/2011
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى