من روائع الشاعر خالد شقوري

من طرف عائد النقدابي الجمعة أغسطس 06, 2010 6:35 pm

غيم الوداد

نزل غيم الوداد صبّ ** غمر وديان غناي عبّ
سرى الفرح الحنين تبّا
حضر وفد الولف سايق بشاشات المطر لبّى
تعال يا العمرو ما غبّا
تعال انا وانت في عينيك .. من عينيك نتخبّى
تعال .. اشواقي ما قدرت تقاوم نسمك الهبّا
كان جيتك تكون اروع زمن دابو الحرف تبّا
زاهية الدنيا بالأفراح لسة أساي ما شبّا
وكنت دخرتلك غنوات عشان أحلامنا تتربّى

كفاك طول الأمل يا ليل ** أخير تديني باقي الحيل
قبل يجرف هواي السيل ** والم في العمرو ما غبّى

معاك ببني المشاعر بيت ** معاك بحلف بقول غنيت
ولا بندم بقول يا ليت ** ولا بالجاي بتنبّى
نزل غيم الوداد صبّ ** غمر وديان غناي عبّ
سرى الفرح الحنين تبا
حضر وفد الولف سايق بشاشات المطر لبّى
وكان حبل العمر ساكن قسيمة زولة تتحبّ ..