رسالة الى العضو ( انا )

من طرف ابوفدوى الأربعاء مارس 03, 2010 8:13 pm

طل طيفك
من ملامحك

ظل فينا
ومن شعاع برق التسامى
جانا طيبك
مرة بق فى الكون شعاعك
كنا منك
ومشتهنك
وصرنا فيك
ما الحنين محتويك
جينا نسال
مِِــنو عندك
ما العشم سايقنا نحوك
والظروف كرباجا
يحكم .....
فينا والامل الخرافى
الامانى الجهجهنك
ترسى فى بحر التسامح
وبى شراع الحظ
عيونك تنسى آلام الهزايم
ونبدأ نعشم .....
تانى بالدنيا الجميلة
ونرسم آلاف المباسم
فى شفاه فجر القضية
ونغنى ليها .....
يا (أنا ) ما اظنك
تانى تزعل منى انت
وما اظنك كمان بتبخل بالتسامح
وما اظنك
وما اظنك
وما اظنك

هشام عبد الفتاح مرحوم

مشرف المنتدى الادبى والفنى

من طرف أنا الثلاثاء مارس 09, 2010 3:10 pm

أبو فدوى , دائما تهطل الى الاعلى
وعلى أرض الزبرجد يشتعل قلبي لؤلؤا لقبول بتلات زهرتك الاعتذارية
لاأجيد الشعر كرسمك الاخاذ , فاقبل مني نثر حفيفا متواضعا واعتبره مداداً هآدراً من القبلات المتواضعه
وصلتني رسالتك , جل من لايخطيء ياوالد الحلوه , لكن كثر من يقبل عذر المذنب ومنهم شخصك كما احسبك
ودمت ألقاً لايخبو سناه

[ندعوك للتسجيل في المنتدى أو التعريف بنفسك لمعاينة هذه الصورة]

من طرف ابوفدوى الجمعة مارس 12, 2010 8:55 am

(انا)
يازول ياسمح
والزول السمح من فعلو ببيلنك طبعو
شكر اولاً على قبول العزر
شكراً اخيراً
لتفهمك للوضع
هذا يوضح فيك شيمة الاكرمين
يا ود الكريم النفسو ممعادياهو
الجود والكرم حقك
قديم ميراث
نتمنى مزيداً من التألق والازدهار
والى الامام
ابوفدوى

من طرف احمد يوسف الجمعة مارس 12, 2010 11:24 am

الرائع ابو فدوى وينك ياراجل والله مشتاقين

من طرف ابوفدوى السبت مارس 13, 2010 9:58 pm

احمد يوسف
الزول الزين موجودين بس مشاغل الحياة وكدا
تسال منك العافية واخواتها

رسالة الى العضو ( انا )

رسالة الى العضو ( انا )

رد: رسالة الى العضو ( انا )

رد: رسالة الى العضو ( انا )

رد: رسالة الى العضو ( انا )

رد: رسالة الى العضو ( انا )