خربشات

يا ريتو لوالشوق ***** ذي البريد بيطوف
انا كنت ياخلايا ***** ختيت في مظروف
وسطرت بي دمي **** اجمل وارق حروف
وعنونتو لي ناسا***** ملكو السمع والشوف
صمت الدناقله كلام**** هذت سكون الجوف
ناسا علي الايثار **** بالنعمه واقفه صفوف
بهديكم احلي سلام *** نطقت حروفي كلام
شرفا اكون منك ******وتكوني لي وسام

التحية ليك يا ابو بكر ومرحب بيك ومنتدى الدناقلة يرحب بيك ويا هلا بيك 

الله يديك العافي يسري
احيييييييييييييييييك
واحي كل من ساهم في هذا العمل الجميل

ياريت يابكرى تكتب لينا قلب من طوب

اديك العافيه ابوحميد
قلب من طوب دي ما كتيره شويه
بعدين الناس ديل اقولو برلوم المنتدي مشوكش
في المرات القادمه انشاء الله

مرحبا بخربشاتك الجميلة يا بكرى وكدى اتوكل وخش بى قلب من طوب ما دام الشباب طلبوها

]قلب من طوب
احسن تنسي ****قلبي كفاك متالم وحدك
احسن تقسي وتطلع همسه وذاتك تنسي ملامح المك
مادام حبا كان من طرفك انت* لمن تطلب من عينيه سعاده بترفض طلبك
اقسي خلاص واتناسي هواها واذرع شوك في مكانا ان غلبك
انا باهواها صحيح يا ناس ********* لمن تضحك بنسي الدنيا
ولمن تغضب هم الدنيا انصب في قلبي وضيقه وظلمه
احس بالدنيا خلاص ياناس ******* انوارا لهيب
وانا مسجون في قاع احذان لا منو هروب. لافيهو دروب بتوري الشوق
وانا بحار في الموج العاتم شايل قلبي فدا المحبوب
عايذ اوصل قلبي مداها. ان كان متا مااصلو الموت مكتوب مكتوب
واوصل قلبي قريب لمداه وانا انفاسي خلاص يادوب
بس تنساه قليبي وتمشي وتصحي شمس ويبقي قلب احمرمن طوب
لاهماه قساوه الدنيا ولا بيطراه كمان محبوب
وانا سويت براي في نفسي كنت باحب انسان يادوب
لمن فتح وطار في الدنيا . حب يكون في ذاتو طروب
قلنا عديه الدنيا جميله *** وكان في نفسو سواي محبوب
وتاني غروب. وامطار احذان من مغله شوق ياناس مغلوب
اذرع هم الزمن الجاي **انسي قليبك واتناساها
واوعي البسمه الحلوه تضلك** واوعي تقرب منو مداها
وقلبي قنع من زول في خاطر**و وسافر قلبي بعيد لمداها

لاتحزن يابكري فالحب عليك هو المكتوب
في طريقك ياولدي شاكوش مكتوب
اصبر ياولدي فاميرة قلبك اتية باذن المعبود

مبدع اخى بكرى وهاك دى عشان تعرف انك مابراك مشوكش نحنا فايتنك بالصبر يااخوى....

عزرا لأنك كنت عندى كل شي وانتهيت كأن شيا لم يكن
عزرا اذا كانت كل امنية وهبتها للعيون فأنا الدموع على قلبى انكون
عزرا اذا ضلت خطى شوقى طريق مسيرها نحو الوجن
فأنا من حرك الاحساس فيك وضعت فى ركب السفن
ماذا اقول لمن وهبته كل شي ثم خان ولم يصن
اعطيته قلبى وكل جوانحى لكنه لم يدرى انه لم يصن
عنى وعن قلبى سأترك كلمة اذفى الفؤاد من العذاب من المحن
يسأل ان كان هواه قد انتهى لا لن ينتهى ابد الزمن
فأحفر لقلبك قبره فى داخلى وضع الكفن
بعض الجنائز ان اتتها منية بعثت على شكل حسن
ان ظل قلبى فى هواك رفاة قلب فاليكن
ان ظل قلبى فى هواك رفاة قلب فاليكن
ابو التومات

اجمل من جمالا جمالا لما تعاني منو احراجا
اندي من النسيم ان مرا النسمه بتثير اذعاجا
دي الخلت حياتي سعاده بارتني الدرب نتناجا
فرحت بي لقاي والله فرحه مكه بي حجاجا
فرحه مكه للشاعر الكبير محمد سفله
اما بالنسبه لي موضوع يسري
فدا حافظ قارئة الفنجان لنذار قباني
اتكررت عليهو لمن حفظا
الاروع والاجمل الاخ احمد
بدون مجامله
وجدتك في كل النوحي الثقافيه والادبيه والدينيه والاجتماعيه
شمسا تشرق القا وحيويه تعجذ الكلمات ان تتحدث عنك (ماشاءالله)
لك ودي وتقديري

الله الله عليك يابكري طلعت لينا المعذبين ناس احمديوسف
وبعدين يابكا نزار بالزاي مش بالذال واحدة بي واحدة لكن دا ما بمنع انو اقول ليك
اعطيت نواصي الكلمة يابكري تمدح وتهجو علي كيفك
وخليتنا مساكين يابكري نضحك ونبكي علي كيفك
لكننا مضطرين نصبر يابكري لانو دا ما بي ايدك
اصلو الشاكوش حار مع انك سويتو بي ايدك

ما اظن بنذعل من بعض
مقبول مقبول كلمات متجهه الي المجهول
هوي يازول اديني احساس انك مسؤل
شنو الشاكوش ولسانك طال سامعك بتقول
الذال والزين بتعرف الفاعل والمفعول
عامل فيهامثقف وشاطر اديك وسام
بعدين شاكوش!!!دا بتحلم بيهو مع الاحلام
وعضفور الريد النطط وحام شاف المهوس يسري النضام
براي رغاي ناداني قريب قال لي كلام
وراني جروح تنذف مسككككين حننت قليب الراي العام
باهديك سلام يا اغلي صديق والجرح بيطيب مر الايام

قال الزين ما عرفتوهو الزين الزين مكتول في حوش العمدة
ولا زينا تاني يايكري اخوي
تسمى الزاي يابكري منذ النشاة منذ بداية الخليقة
زدت حروف الضاد يابكري الله يسامحك كان سمعك سيبويه
الله يسامح الخلاك ماتفرق بين الحروف
وخلاك زولا مهووس
مسكين مسكين
تحياتي

وينك يابيكو مشتاقين لي طولة لسانك يلا اتخفنا ولا جفت منابع شعرك
جفت منابع شعرك يابكري
وصرت تهذي بكلام لاعلاقة له بالشعر
ففضلت ان تنام وتستلقي
عل الهامك يبعث لك بيت من الشعر
ولكن هيهات فقد نضبت بحيرة شعرك

بالدارجيه وبدون تكلف بت شالت الكرسي من وراي واتلفت لقيت تضحك فكتبت
ابسمي اضحكي ما هماكي*** وكان للكرسي عبر لفضاكي
اصلو بحب الاسمر لونك*** واصلو حياتو دوام لفداكي
واكسري صمت الزمن الجاير*** وخففي دمع الكرسي الباكي
لاني ظلمتو في يوم وقعت ****وكان بتمني وشوقو هواكي
اسف عفوا عزرا جرت**** وشكرا ليهو عبر لرباكي

جميل انت يابكري بجمال احساسك الفطري كيف لا وقد انجبتك قريتنا التي طالما انجبت افذاذا
لك الود كل الود ونتمنى المزيد والمزيد