مساحات فى رحاب الأستاذ الراحل أبو السيد

من طرف khoaga99 الجمعة سبتمبر 04, 2009 7:52 pm

عينيك مدن
منسيه فى كتب التواريخ والزمن
عينيك وطن مشدود على
وتر التباريح والشجن
ممدود على حرووف الكتابه
مقتول عنا ومقتول صبابه
فيه حط النيل سكن
عينيك سفرمكتوب اعيش فى غربتو
وأعشق عذابو وحرقتو وليلو الطويل
أتخيك ياحلوه زى نسمه سحر
جيتى ومعاك حلمى الجميل
وانتظر وعدو الجميل
عشقك زمان جواى رحل
واتناها فى الاعماق أمل
روى أحساس نبيل
اسهل طيوف خاطرى القبيل
جاشت ملامح روعتو
جنح السكون فى وحشتو
والكان امل فى عيونى زاب
مدارات فرحه الوهج النضير
والمزدهر بأرتياح
فجأه انحصر قبضه رياح
وسكت الكلام ياحلوه فى القول المباح
غاب صباح بعدك رحل
الكان امل فى غيم سماك
...
عينيك
لو أعرف ختام الأغنيه
بدء الكلام والمنتهى
والمستطاب والمشتهى
كل المباهج فى المواويل والغنى
العاشقين قلبى وأنا
هزتنى فى عينيك تصاوير المنا
يا أمنيات من كم سنه
يا أغنيات كل الاماسى المستحيله وممكنه
يا المستحيل عينيك تهون
والمستحيل قلبك يخون
ما الغدر ما طبع الوفاء
والصدق ماشرط وانتفى
ما أنا حالى من بعدك كفاهو
المغنى والحب والشجن
والوحشه والشوق للوطن
ما العمر بعدك ايه يكون
لو يبقى بحساب الزمن