منتدى قرية الدناقلة
DANAGLA CYBER COMMUNITY

جمهورية السودان
ولاية الجزيرة

مجتمع قرية الدناقلة الرقمي

أخي الزائر الكريم

اذا لم تكن مسجَّلا بعد في منتدى قرية الدناقلة, نرجو اكرامنا بالتسجيل و الانضمام الى أكبر تجمع رقمي لابناء قرية الدناقلة على الانترنت

اذا كنت مسجلا فعلا, ارجو الدخول و عدم حرماننا من رؤية اسمك على قائمة الأعضاء اذا واجهتك مشكلة ارسل رساله الى الهاتف 09117685213

ولك وافر الشكر و الامتنان

أسرة منتدى قرية الدناقلة

انضم إلى المنتدى ، فالأمر سريع وسهل

منتدى قرية الدناقلة
DANAGLA CYBER COMMUNITY

جمهورية السودان
ولاية الجزيرة

مجتمع قرية الدناقلة الرقمي

أخي الزائر الكريم

اذا لم تكن مسجَّلا بعد في منتدى قرية الدناقلة, نرجو اكرامنا بالتسجيل و الانضمام الى أكبر تجمع رقمي لابناء قرية الدناقلة على الانترنت

اذا كنت مسجلا فعلا, ارجو الدخول و عدم حرماننا من رؤية اسمك على قائمة الأعضاء اذا واجهتك مشكلة ارسل رساله الى الهاتف 09117685213

ولك وافر الشكر و الامتنان

أسرة منتدى قرية الدناقلة
منتدى قرية الدناقلة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ودعت ياحزن البلد

4 مشترك

اذهب الى الأسفل

ودعت ياحزن البلد Empty ودعت ياحزن البلد

مُساهمة من طرف khoaga99 الأربعاء مارس 02, 2011 9:33 am

ودَّعتَ يا حُزن البلد
ودَّعت يالولد السَّمِح
في الغربة والزمن النـَّـكد
وجوك العيال ما بقصِّروا
سوُّوا العديل والزين هناك ما اتصرصرُوا
بس كنت خايف كيف عليك
يطويكَ ليل الغربة ديك
في الغربة لا انـْدلـَـقـَن عليك بنـُّوتناً محزونات كمد
لا اتـْـشالبوك أهلك يهزُّوا الدنيا يالولد الرهد
مات الغـُنا المحشود وحاتك يا الحزن ماعندُه حد
مطرود وراك الريح تصفـِّر لا غمدت ولا رَقــَدْ
شايل هموم الناس وناسي البيك يا الولد العدد
أصلـُه الغـُنا إن ما كان وحاتك للوطن ما بيبقى جد
والحزن لو ما كان نبيل يبقى إنهزام بحراً شرد
محزون وحاتك يا ولد
صوتك يرن في بالي حد
(غدَّار دموعك ما بتفيد )
صوتك يجيني أنا في الهويد

(عبد الرحيم ) و( حاج ود عجبنا ) ونفحة العيد والجديد
كـُتْ في انتظار يوماً أشوفك فيه ساير بالنشيد
راجع تبشـِّر بالغـُنا الغنـّيتـُه في البلد البعيد
ويتلموا ليك الناس دموع الفرحة تطفر دون عدد
ويتلموا ليك الصالحين يبرُوك ويدُّوك المدد
وتفضل تغنِّي وتِنشرِحْ
لا غربة لا الزمن الجرِحْ
حقـَّـك عليْ يا مصطفى
وحقـَّـك على البلد الوهبتـُه غُـناكَ والفال السَّمِح
هاك السلام من عندي أنا
ومليون سلام ليك يا جنا
منَّ الغـُبـُش
قايمين دُغـُش
كادحين على اللـُّقمة العِـصَتْ
صابرين على الحالة القِست
والحال وحاتك ما هُوْ حال
راجين رجوعكم يا لعيال
لا شيلة لا كِمِّين ريال
راجين ضراعكم يـِـنـْـكربْ
لا فـُرقة لا ريحَة ْ حرِب
نبني الوطن مهما خِربْ
والساعة ديك يبقى الغنا اللا إتقال ولا مرة إنكتب
ممدود من اللحن القديم محشود وحاتك بالطرب
مليان ومسنود ما بيقع
مَعَجُون من العرق النـَّقع
من كم جبين بتصبُّه صَبْ
وُتخضِّر الأرض اليباب يتبدَّل الزمن الصعب
ونفضل نغنِّي وننشرح
لا غربة لا الزمن الجرِحْ
ودَّعت يا حزن البلد
ودَّعت يالولد السَّمِحْ
khoaga99
khoaga99
مشرف القسم الإجتماعي

عدد الرسائل : 300
الإسم الكامل : طلال عبد الرحمن أحمد عبد الرحمن
نقاط : 5835
تاريخ التسجيل : 27/08/2009

الرجوع الى أعلى الصفحة اذهب الى الأسفل

ودعت ياحزن البلد Empty رد: ودعت ياحزن البلد

مُساهمة من طرف ابو الزعيم الأربعاء مارس 02, 2011 10:53 am

العزيز خواجا
لك كل ما هو جميل جمال روحك
تشكر على اثراك المنتدى بالمواضيع الجميلة
اخي طلال لعموم الفائدة ارجوا دائما كتابة الشاعر او الكاتب وان كانت من كتاباتك نرجو ايضا التوضيح وذلك حتى يكتمل جمال اللوحة
وعلى حسب علمي هذه احد الدرر التي كتبت في رثاء الفقيد مصطفى سيد احمد

لك كل الشكر اخي طلال وفي انتظار المزيد من مشاركاتك الفعالة
ابو الزعيم
ابو الزعيم
المشرف العام

عدد الرسائل : 1051
بلد الإقامة : sudan
الإسم الكامل : خالد الياس احمد الياس
نقاط : 6456
تاريخ التسجيل : 23/04/2008

الرجوع الى أعلى الصفحة اذهب الى الأسفل

ودعت ياحزن البلد Empty رد: ودعت ياحزن البلد

مُساهمة من طرف khoaga99 الأربعاء مارس 02, 2011 2:37 pm

شكرا جزيلا العزيز جدا ابو الزعيم على المرور الرائع وتسلم على الملاحظه الطيبه منك
الحقيقه فعلا القصيده فى رثا الراحل أبو سامر
وانا حصلته عليها من منتدى لكن للاسف ماكانو كاتبين أسم كاتب القصبده عشان كده انا ماكتبته وتسلم كتير
khoaga99
khoaga99
مشرف القسم الإجتماعي

عدد الرسائل : 300
الإسم الكامل : طلال عبد الرحمن أحمد عبد الرحمن
نقاط : 5835
تاريخ التسجيل : 27/08/2009

الرجوع الى أعلى الصفحة اذهب الى الأسفل

ودعت ياحزن البلد Empty رد: ودعت ياحزن البلد

مُساهمة من طرف دكتوره بلقيس السبت مارس 05, 2011 1:12 pm

لك التحيه ودمت

دكتوره بلقيس
عضو مميز

عدد الرسائل : 106
بلد الإقامة : الدناقله
الإسم الكامل : بلقيس التجاني حمزه
نقاط : 5285
تاريخ التسجيل : 15/03/2010

الرجوع الى أعلى الصفحة اذهب الى الأسفل

ودعت ياحزن البلد Empty رد: ودعت ياحزن البلد

مُساهمة من طرف الجعلتي السبت مارس 05, 2011 9:20 pm

دمت يا شاب يارائع ولك الف تحية يا طلال وهاك شوف دي
قصيدة لكامل عبد الماجد في رثاء ابو السيد


مالو عجلت الرحيل
ما المسافة بعيدة لسه
وإنت في عز الصهيل


ياسلام وكتين تغني
وتدهش الناس بالهديل
تنثر الفرح الموشى
وتنثر الحزن النبيل
وتوعد الناس الغلابة
بالزمان المستحيل
تعلو قاماتنا ونشابي
ونبقى بي فوق للنخيل
والأماني قطوفه تدنو
والوجود يصبح جميل
ومالو عجلت الرحيل


ماشي في الأجيال غناكا
جيل يغني ويدي جيل
وإنت زي النيل بتمضي
صافي نبعك سلسبيل
ياسلام وكتين تغني
وينجلي الهم الطويل
والأماني تعم نفوسنا
وترجع أحلامنا القبيل
ومالو عجلت الرحيل


بنسأل الطير الخداري
وبنسأل الدوح الظليل
وبنسأل المطر النهاري
وبنسأل الزمن الجميل
وبنسأل أسراب القماري
وبنسأل ألوان الأصيل
ياتو برقا جيتنا منو
وياتو رعدا وياتو سيل
ومالو عجلت الرحيل


نحن لسه مع الطيور
الما بتعرف خرطة لا دار لا مقيل
نمشي في كل الدروب
الواسعة فاقدين الدليل
فينا لسه دندناتك
وشدوك المعدوم مثيل
وفينا طيفك لسه ماثل
وفرعك العالي النحيل
الجعلتي
الجعلتي
مشرف القسم التوثيقي

عدد الرسائل : 1754
بلد الإقامة : دردق
الإسم الكامل : يسري بشير الامين محمود احمد البشير
نقاط : 7852
تاريخ التسجيل : 09/03/2009

الرجوع الى أعلى الصفحة اذهب الى الأسفل

ودعت ياحزن البلد Empty رد: ودعت ياحزن البلد

مُساهمة من طرف khoaga99 الأحد مارس 06, 2011 8:35 am

سلامات ياناس يارائعيين ولكم منى أجمل التحيا والاعتبار وشكرًاً جزيلا على الكلمات الطيبات
khoaga99
khoaga99
مشرف القسم الإجتماعي

عدد الرسائل : 300
الإسم الكامل : طلال عبد الرحمن أحمد عبد الرحمن
نقاط : 5835
تاريخ التسجيل : 27/08/2009

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى